Nemendum er skylt að mæta stundvíslega í allar kennslustundir samkvæmt stundaskrá. Gerð er lágmarkskrafa um 85% heildarskólasókn á önn. Sama lágmarkskrafa er gerð um skólasókn í einstökum áföngum nema annað komi fram í námsáætlunum.
Áfangastjóri sendir nemendum og forráðafólki reglulega yfirlit yfir ástundun í tölvupósti og ber þeim að gera athugasemdir innan þriggja virkra daga ef þeir telja skráningar rangar. Yfirlitið gildir einnig sem áminning ef þar kemur fram að skólasóknin uppfylli ekki lágmarkskröfur. Þar að auki er mikilvægt að nemendur og forráðafólk fylgist með viðveru í kennslukerfinu Innu.
Seinkomur og fjarvistir
<ul>
<li>Komi nemandi of seint í kennslustund er skráð seinkoma. Tvær seinkomur jafngilda einni fjarvist.</li>
<li>Ef liðnar eru meira en 10 mínútur af kennslustund er skráð fjarvist.</li>
<li>Ef nemandi mætir ekki í skólann fyrstu 10 kennsludagana á önn og lætur ekki vita af sér með tölvupósti á <a href="mailto:borgo@borgo.is">borgo@borgo.is</a> er litið svo á að hann ætli ekki að stunda nám við skólann þá önn og er gerður óvirkur í Innu.</li>
</ul>
Skólasóknareinkunn
Skólasóknareinkunn ákvarðast af tímasókn og stundvísi. Vikmörkin veita nemendum svigrúm til veikinda, læknisheimsókna og annarra óhjákvæmilegra ástæðna til fjarveru. 
Einkunnir fyrir skólasókn eru eftirfarandi:
<ul>
<li>95 – 100% heildarmæting 10</li>
<li>90 – 94% heildarmæting 9</li>
<li>88 – 89% heildarmæting 8</li>
<li>87% heildarmæting 7</li>
<li>86% heildarmæting 6</li>
<li>85% heildarmæting 5</li>
<li>80 – 84 % heildarmæting 4</li>
<li>75 – 79 % heildarmæting 3</li>
<li>70 – 74 % heildarmæting 2</li>
<li>0 – 69 % heildarmæting 1</li>
</ul>

Skólasókn og ástundun

<ul>
<li>Veikindi skal skrá í Innu samdægurs hvern veikindadag og skal skráning fara fram á skrifstofutíma. <a href="https://wp.borgo.is/wp-content/uploads/Rafraen-veikindaskraning-adstandanda-a-Innu.pdf">Leiðbeiningar fyrir rafræna veikindaskráningu aðstandenda</a></li>
<li>Aðeins er hægt að skrá veikindi samdægurs og einn dag fram í tímann. Ekki er hægt að skrá veikindi hluta úr degi nema nemandi fari veikur heim úr skóla.</li>
</ul>
<ul>
<li>Forráðafólk nemenda undir sjálfræðisaldri þurfa að skrá veikindi þeirra.</li>
</ul>
<ul>
<li>Ef um ítrekuð veikindi er að ræða áskilur skólinn sér rétt til að fara fram á læknisvottorð til staðfestingar veikindum.</li>
<li>Skráð veikindi dragast frá fjarvistastigum en ekki er tekið tillit til þeirra í mætingar-prósentunni sem liggur til grundvallar skólasóknareinkunn (sjá einkunnaskala undir skólasókn  og ástundun &#8211; skólasóknareinkunn).</li>
<li>Nemandi sem ekki getur sótt kennslustundir vegna langvarandi eða ítrekaðra veikinda eða áfalla skal skila vottorði frá meðferðaraðila til náms- og starfsráðgjafa skólans og vera í reglulegu sambandi við kennarana sína um framgang námsins. Auk þess skal hann skila reglulega á skrifstofu skólans yfirliti yfir fjarvistir sínar vegna veikindanna. Langtímavottorð skal endurnýjað við upphaf hverrar annar og skilað til náms- og starfsráðgjafa skólans.</li>
</ul>

Veikindi og veikindatilkynningar

Skólameistari getur veitt tímabundið leyfi frá tímasókn vegna:
<ul>
<li>Dauðsfalls í fjölskyldu.</li>
<li>Ökunáms (ökuskóli 3, skriflegt próf og verklegt próf). Sýna þarf kvittun / staðfestingu á skrifstofu skólans.</li>
<li>Keppnisferða landsliða. Staðfestingu frá skipuleggjanda (t.d. þjálfara) skal skila samhliða umsókn um leyfi.</li>
</ul>
<ul>
<li>Ekki er veitt leyfi fyrir skemmtiferðir/utanlandsferðir.</li>
</ul>
<a href="https://www.borgo.is/thjonusta/skrifstofa/eydublod">Sótt er um leyfi á eyðublaði sem fæst afhent á skrifstofu skólans eða er sótt hér.</a>
Einnig má senda tölvupóst á <a href="mailto:borgo@borgo.is">borgo@borgo.is</a>.
&nbsp;

Leyfi

<ul>
<li>Ef nemandi missir af kennslustund þarf hann að vinna jafnóðum upp utan kennslustunda það sem hann missti af.</li>
<li>Missi nemandi af prófi eða verkefni sem gildir til einkunnar vegna veikinda, leyfis eða annarra óviðráðanlegra aðstæðna verður hann að ræða úrlausn við viðkomandi kennara við fyrsta tækifæri og eigi síðar en þegar hann kemur aftur í skólann. Gert er ráð fyrir að öllu námsmati sem fara átti fram fyrir U og Ú dag ljúki eigi síðar en þann dag. Missi nemandi af verklegu námi sem ekki er hægt að vinna upp utan skólans gæti hann þurft að endurtaka áfangann.</li>
<li>Alltaf ber að virða skiladaga verkefna nema um annað sé samið við kennara og þá af gildri ástæðu.</li>
</ul>
Nemendur undir 18 ára
<ul>
<li>Ef ástæða þykir til vegna slakrar ástundunar er nemandi kallaður til viðtals við skólastjórnendur ásamt foreldri / forráðafólki.</li>
<li>Fari nemandinn ekki eftir þeim fyrirmælum um ástundun sem honum eru þar gefin fyrirgerir hann rétti sínum til áframhaldandi veru í viðkomandi áfanga eða áföngum.</li>
<li>Nemandi fyrirgerir rétti sínum til áframhaldandi veru í áfanga fari viðvera til mætingareinkunnar undir 70% og að teknu tilliti til annarrar ástundunar.</li>
</ul>
Nemendur 18 ára og eldri (falla ekki undir fræðsluskyldu)
<ul>
<li>Nemandi fyrirgerir rétti sínum til áframhaldandi veru í áfanga fari viðvera til mætingareinkunnar undir 70% og að teknu tilliti til annarrar ástundunar.</li>
<li>Nemandi sem fær undir 2 í mætingareinkunn (undir 70% viðveru) og/eða lýkur færri en 15 einingum á önn gæti þurft að sækja um skólavist að nýju á innritun.is hyggist hann halda áfram námi. Ekki er tryggt að hann verði endurinnritaður.</li>
</ul>

Viðbrögð við frávikum í ástundun

<ul>
<li>Nemandi í fullu námi skal ljúka að lágmarki 15 einingum á önn. Skólameistari getur heimilað undantekningu frá þessari reglu vegna skilgreindra námsörðugleika, veikinda eða annarra óviðráðanlegra aðstæðna.</li>
<li>Ljúki nemandi ekki tilskildum einingafjölda á önn er skólastjórnendum heimilt að takmarka þann fjölda eininga sem hann fær að skrá sig í á næstu önn. Miðað er við að hámarksfjöldi eininga sé þá 26 einingar.</li>
<li>Nemandi sem ekki lýkur tilskildum einingafjölda getur þurft að sækja um skólavist að nýju og er honum þá gerð grein fyrir stöðunni þannig að hann geti einnig sótt um skólavist í öðrum framhaldsskólum. Skólanum er ekki skylt að endurinnrita nemandann.</li>
<li>Til að standast áfanga og fá leyfi til að hefja nám í næsta áfanga viðkomandi greinar þarf lágmarkseinkunnina 5. Þó er nemanda heimilt að útskrifast með einkunnina 4 í lokaáfanga greinar eða stökum áfanga ef hann á umframeiningar á móti.</li>
<li>Ef til þess kemur að nemandi falli eða hætti oftar en þrisvar í sama áfanga skal hann í samráði við náms- og starfsráðgjafa skoða aðra möguleika á að ljúka áfanganum.</li>
<li>Rekist tveir nauðsynlegir áfangar á í stundatöflu nemanda sem hefur eðlilega námsframvindu getur hann sótt um að vera skráður í báða áfangana og skal mætingin vera samkvæmt samkomulagi við kennara beggja áfanganna. Kjósi nemandi að stunda nám í fleiri en 38 einingum gæti hann þurft að skrá sig í fjarnám í öðrum skóla.</li>
</ul>

Námsframvinda

Mikilvægt er að foreldrar fylgist með námi ungmenna sinna, hvetji þau og styðji. Ábyrgð þeirra er líka skýr samkvæmt reglugerð nr. 326/2016 um ábyrgð og skyldur aðila skólasamfélagsins í framhaldsskólum. Foreldrar eiga að:
<ul>
<li>stuðla að því að ungmenni þeirra stundi nám sitt.</li>
<li>fylgjast með námsframvindu þeirra.</li>
<li>bera ábyrgð á að gögn sem skipta máli um námsframvindu berist skólanum við innritun eða þegar það á við. Hætta er á að nemendur fái ekki þau úrræði sem völ er á ef slík gögn vantar.</li>
<li>greina skólanum frá aðstæðum sem gætu haft áhrif á skólagöngu ungmenna þeirra.</li>
<li>vinna að lausn mála í samstarfi við skóla vegna brota á skólareglum. Þeim ber ásamt ungmenninu að taka þátt í meðferð máls.</li>
</ul>

Ábyrgð foreldra

Fyrir hverja komandi önn eru nemendur sem munu halda áfram námi skráðir í áfanga sem tilheyra kjarna brauta (skylduáfanga). Nemendur þurfa svo að yfirfara valið og gera breytingar ef þeir óska (breyta ensku- og íþróttaáföngum, val- og kjörsviðsáföngum og fækka eða fjölga einingum). Í skóladagatali er tilgreindur dagur þegar skráningunni á að vera lokið. Nemendur sem þurfa ráðgjöf geta mætt til sviðsstjóra, áfangastjóra, náms- og starfsráðgjafa eða fóstru mætinga og umsjónar.
Í lok annar, þegar einkunnir hafa verið birtar, gætu nemendur þurft að endurskoða skráninguna m.t.t. árangurs á önninni. Ef ástæða er til breytinga hafa þeir samband við sviðsstjóra, áfangastjóra eða náms- og starfsráðgjafa.
Ef nemandi, sem ekki er skráður í áfanga, hyggst halda áfram námi getur hann snúið sér til viðkomandi sviðsstjóra.
<a href="https://wp.borgo.is/wp-content/uploads/Leidbeiningar-vegn-vals.pdf">Leiðbeiningar vegna vals</a>

Skráning áfanga

Áfangar sem kenndir eru yfir heila önn: Nemendur hafa u.þ.b. þrjár vikur í upphafi annar til að segja sig úr áfanga (lokadagur er tiltekinn í skóladagatali). Þá er áfanginn tekinn sporlaust af námsferlinum.
Áfangar sem kenndir eru í lotum: Nemendur hafa þrjá daga eftir að lota hefst til að segja sig úr áfanga. Þá er áfanginn tekinn sporlaust af námsferlinum.
Ef nemandi vill segja sig úr áfanga eftir að úrsagnarfresti lýkur skal hann gera það í samráði við náms- og starfsráðgjafa. Áfanginn er þá tekinn úr stundatöflu en ekki af námsferli. Viðveruskráning fram að úrsögn helst inni og skráð er fall í áfanganum. Því er gott að hafa í huga að samkvæmt reglum um námsframvindu má nemandi almennt ekki vera skráður í sama áfanga oftar en þrisvar.
Nemendur undir 18 ára þurfa samþykki forráðafólks fyrir úrsögnum.

Úrsagnir úr áföngum

Umgengni lýsir innri manni. Mikilvægt er að sýna sjálfum sér, samnemendum, starfsfólki og eigum skólans virðingu.
<ul>
<li>Ekki er gengið um skólahúsið á útiskóm. Inniskó skal aðeins nota innandyra &#8211; inniskór sem notaðir eru utandyra eru ekki leyfðir. Í anddyri eru skógeymslur og allir nemendur eiga kost á læstum skáp.</li>
<li>Reykingar og tóbaksnotkun eru bannaðar í skólahúsinu og á skólalóð. Þetta gildir um allar reykingar og allt tóbak þar með taldar rafrettur og munntóbak, með eða án nikótíns.</li>
<li>Neysla áfengis og annarra vímuefna, eða að vera undir áhrifum slíkra efna, er með öllu óheimil í skólahúsinu og á skólalóð. Á skemmtunum og ferðalögum í nafni skólans er einnig bannað að neyta áfengis eða annarra vímuefna.</li>
<li>Ef nemandi veldur skemmdum á húsnæði eða búnaði skólans er hann bótaskyldur.</li>
<li>Matar skal aðeins neyta í matsal. Öllu rusli skal fleygja í ruslafötur og samkvæmt flokkunarkerfi.</li>
<li>Bílum skal leggja á afmörkuð bílastæði.</li>
</ul>
<ul>
<li>Nemendum í dagskóla í málm- og véltæknigreinum og bíliðngreinum er skylt að klæðast sérmerktum peysum sem þeir fá afhentar við upphaf annar. Nemendur í skálum skulu enn fremur klæðast öryggisskóm og nota annan viðeigandi öryggisbúnað við nám sitt. Á þetta við alla nemendur sem stunda nám í málm- og/eða bílaskála.</li>
</ul>

Umgengni

<ul>
<li>Samskipti milli einstaklinga skulu einkennast af gagnkvæmri virðingu og kurteisi, bæði innan skólans og utan.</li>
<li>Sú gagnkvæma virðing og kurteisi skal jafnframt endurspeglast í allri umræðu á samfélagsmiðlum, hvort sem umræðan er við aðra einstaklinga í skólanum eða um þá.</li>
<li>Virða skal reglur og lög um persónuvernd í samskiptum og á samfélagsmiðlum. Gæta þarf sérstaklega að því að halda trúnað um persónuupplýsingar einstaklinga sem nemendur kunna að verða áskynja í skólastarfinu.</li>
<li>Allar myndatökur og/eða upptökur af einstaklingum eru óheimilar án leyfis viðkomandi aðila. Gildir það alls staðar í skólahúsnæðinu og á skólalóð enda brýtur slíkt gegn lögum og reglum um persónuvernd.</li>
</ul>

Samskipti, samfélagsmiðlar og myndatökur

<ul>
<li>Allar almennar skólareglur gilda um rafrænar kennslustundir.</li>
<li>Ekki er heimilt að taka upp kennslustund, hvorki að hluta né í heild. Sama gildir um skjáskot.</li>
<li>Gæta skal trúnaðar um persónuupplýsingar og aðstæður viðstaddra sem kunna að koma fram.</li>
<li>Nemendur hafa ekki heimild til að bjóða gestum í kennslustund nema með leyfi kennara.</li>
<li>Nemendum er ekki heimilt að deila aðgangi inn á rafrænar kennslustundir.</li>
<li>Nemendur bera ábyrgð á því efni sem þeir setja fram í umræðum og mega ekki setja fram texta í nafni annarra.</li>
</ul>

Rafrænar kennslustundir

<ul>
<li>Tölvubúnaður og -kerfi skólans er eign hans og er ætlaður til náms, kennslu, kynningar og annarra þátta sem samrýmast markmiðum skólans. Nemendur sem eru að vinna verkefni vegna náms hafa forgang að tölvum skólans.</li>
<li>Hver nemandi er ábyrgur fyrir sínu notandanafni og má hvorki lána það né fá slíkt að láni.</li>
<li>Virða skal reglur um höfundarétt, hvort sem um er að ræða höfundarétt að hugbúnaði, textum, myndefni eða öðru efni.</li>
<li>Nemendur skulu nota tölvukerfi skólans á þann hátt að það hafi ekki áhrif á notkunarmöguleika annarra notenda, svo sem trufli vinnu annara eða verði til þess að aðrir notendur tapi gögnum.</li>
<li>Nemendur hafa ekki heimild til að gera breytingar eða hafa áhrif á uppsetningar eða skjáborð tölvu í eigu skólans, svo sem með því að fjarlægja eða breyta kerfisskrám, breyta bakgrunni, táknmyndum eða skjáhvílu.</li>
<li>Nemendur skulu gæta almennrar háttvísi í notkun tölvubúnaðar og tölvukerfis skólans. Í því felst að ekki er leyfilegt að nota búnaðinn eða kerfið til að skoða eða sækja efni sem er ólöglegt, ósiðlegt eða hvetur til ólöglegs athæfis.</li>
</ul>

Tölvunotkun

Við öflun upplýsinga er nauðsynlegt að hafa áreiðanleika heimilda að leiðarljósi og virða reglur um notkun þeirra og meðferð.
Reglur um notkun og meðferð heimilda
Noti nemandi höfundarverk annarra í verkefnum sínum ber honum að geta höfundar samkvæmt þeim reglum sem kennari setur. Gildir þá einu hvort um er að ræða hluta úr verki eða verkið í heild.
<ul>
<li>Með höfundarverki er átt við bækur, greinar, ritgerðir, myndir og annað jafnt á prenti, tölvutæku formi eða hvers kyns öðru formi.</li>
<li>Höfundarverk á einnig við um verkefni nemenda, bæði einstaklings- og hópverkefni sem og svör annarra nemenda í könnunum eða prófum.</li>
</ul>
Reglur um notkun gervigreindar
<ul>
<li>Gervigreind má nemandi einungis nota með leyfi og undir verkstjórn kennara og þá fyrst og fremst til aðstoðar við námið, svo sem til að fá hugmyndir eða fara yfir eigin texta.</li>
<li>Gervigreind getur verið gott verkfæri sé hún notuð skynsamlega en hún telst ekki áreiðanleg heimild. Sannreyna þarf trúverðugleika upplýsinga sem fást með notkun gervigreindar og noti nemandi þær í verkefni sínu þarf hann að vísa til áreiðanlegrar heimildar.</li>
</ul>
Viðurlög við brotum á reglum þessum:
Verði nemandi uppvís að óleyfilegri notkun upplýsingatækni eða heimilda ræðir kennarinn við hann um alvarleika brotsins og gerir honum grein fyrir viðurlögum við því.
<ul>
<li>Nemandinn fær athugasemd við námsþáttinn á Innu og einkunnagjöfin tekur mið af brotinu. Jafnvel getur komið til þess að verkefnið verði ekki metið til einkunnar.</li>
<li>Komi verkefnið frá öðrum nemanda í áfanganum fá báðir nemendurnir athugasemd á Innu og verkefnið er ekki metið til einkunnar.</li>
<li>Ítrekað brot á þessum reglum getur varðað brottvísun úr viðkomandi áfanga.</li>
</ul>

Notkun upplýsingatækni og heimilda

Gerð er ríkari krafa um mætingu, ástundun og framvindu nemenda í íþróttaakademíu. Nemandi fyrirgerir rétti sínum til náms í íþróttaakademíu við eftirfarandi:
<ul>
<li>Nemandi fer undir 85% mætingarhlutfall á önn.</li>
<li>Nemandi nær ekki lágmarkseinkunn 5 í íþróttaakademíuáfanga.</li>
<li>Nemandi nær ekki lágmarkseinkunn 5 í tveimur eða fleiri af þeim áföngum sem viðkomandi var skráður í við upphaf annar. Úrsögn jafngildir falli.</li>
<li>Nemandi gerist uppvís að broti á lífsstílssamningi íþróttaakademíu sem hann skrifaði undir í upphafi námstíma.</li>
</ul>
Nemandi sem fyrirgerir rétti sínum til náms í íþróttaakademíu getur þó haldið áfram námi á þeirri braut sem hann er skráður á standist hann skólareglur að öðru leyti.

Sérákvæði vegna íþróttaakademíu

Nemendum ber að kynna sér skólareglur. Vanþekking á reglunum leysir þá ekki undan ábyrgð.
Brjóti nemandi reglur skólans fær hann tiltal eða áminningu. Við alvarleg eða ítrekuð brot kemur til skrifleg áminning frá skólameistara eða aðstoðarskólameistara. Fái nemandi skriflega áminningu eru foreldrar/forráðamenn ólögráða nemanda látnir vita.
Í skriflegri áminningu skal koma fram
<ul>
<li>tilefni áminningarinnar og þau viðbrögð sem fylgja brjóti nemandi aftur af sér.</li>
<li>að nemandanum sé gefinn kostur á að andmæla áminningunni og skal tímafrestur hans til þess tilgreindur.</li>
</ul>
Brjóti nemandi ítrekað eða gróflega af sér, t.d. með ofbeldisverknaði, með sölu fíkniefna eða með öðrum alvarlegum hætti, er honum vikið brott úr skóla tafarlaust.
Við meðferð mála skal sérstaklega gæta ákvæða stjórnsýslulaga, laga um meðferð persónuupplýsinga og upplýsingalaga.
Viðbrögð við broti á skólareglum geta verið eftirfarandi, eftir alvarleika brotsins:
<ul>
<li>Munnleg ábending frá starfsmanni skólans.</li>
<li>Tiltal sviðsstjóra eða annars stjórnanda.</li>
<li>Skrifleg áminning skólameistara eða aðstoðarskólameistara.</li>
<li>Brottvikning úr áfanga.</li>
<li>Brottvikning úr skóla um lengri eða skemmri tíma.</li>
</ul>
Í skriflegri áminningu skal koma fram:
<ul>
<li>tilefni áminningarinnar og þau viðbrögð sem fylgja brjóti nemandi aftur af sér.</li>
<li>að nemandanum sé gefinn kostur á að andmæla áminningunni og skal tímafrestur hans til þess tilgreindur.</li>
</ul>
Sjá einnig skólasóknarreglur, reglur um námsframvindu og reglur um notkun upplýsingatækni og heimilda.

Brot á skólareglum og viðurlög

Leitast er við að leysa ágreiningsmál fljótt og vel á vettvangi skólans.
Rísi ágreiningur milli nemenda, kennara og/eða annarra starfsmanna sem þeim tekst ekki að leysa skal vísa málinu til viðkomandi sviðsstjóra. Finnist þar ekki lausn sem aðilar sætta sig við er málinu vísað til skólameistara sem tekur það til umfjöllunar og ákvörðunar. Uni málsaðilar, þar með talið forráðamenn nemenda yngri en 18 ára, ekki niðurstöðunni má vísa málinu til mennta- og barnamálaráðuneytis.

Skólareglur