Blikksmíði

Blikksmiður hannar, velur, sníður og smíðar úr þunnmálmum og íhlutum, eftir eigin teikningum eða annarra. Blikksmiðir starfa hjá framleiðslu-, þjónustu- og verktakafyrirtækjum. Blikksmiður er lögverndað starfsheiti og blikksmíði löggilt iðngrein.
Markmið náms í blikksmíði er að gera nemendum kleift að takast á við þau viðfangsefni sem blikksmiðir inna af hendi.

Nám á málm- og véltæknibraut er starfsnám sem á rætur í ævafornum hefðum en byggir engu að síður á nýjustu þekkingu manna í tækni og vísindum. Í greinunum vefjast fornar handverkshefðir og vitneskja um eiginleika málma saman við nútíma tölvu- og stýritækni. Náminu er ætlað að búa nemendur undir þátttöku í nútímalegu lýðræðissamfélagi með því að auka hæfni þeirra til gagnrýninnar hugsunar, efla vitund um eigin getu og takmarkanir og styrkja samskiptahæfni og samhug. Auk þess að búa nemendur sem best undir störf og frekara nám er áhersla lögð á að koma til móts við nemendur sem vilja hagnýta menntun sem felur í sér hæfni til starfa sem krefjast nákvæmni, útsjónarsemi, sköpunarhæfni og vandaðs verklags.

Nemendur geta lokið þeim hluta námsins sem kenndur er í skóla (150 einingum) á tveimur og hálfu námsári. Að þeim tíma loknum tekur við starfþjálfun á vinnumarkaði sem metin er til 60 eininga.

Að þessu námi loknu geta nemendur sótt um og þreytt sveinspróf í blikksmíði sem veitir starfsréttindi í faginu. Sveinsprófið veitir rétt til inngöngu í nám til iðnmeistaraprófs.

Nemendur geta útskrifast

•      að loknu starfsnámi,
•      að loknu starfsnámi og stúdentsprófi,
•      að loknum öllum fagáföngum (grunnnámi, kjarna og sérgreinum) í skóla og viðbótaráföngum til stúdentsprófs.

Nemendur sem ekki ná A, B eða hærra en 7,0 í grunnskólaeinkunn íslensku og ensku þurfa að taka undibúningsáfanga í þeim fögum, ÍSL1A05 og ENS1A05.

Nemendur sem ekki ná A, B eða hærra en 7,0 í grunnskólaeinkunn í stærðfræði þurfa að taka undirbúningsáfanga, STÆ1A05.

Bundið áfangaval

5 einingar af 15

 

Viðbótarnám til stúdentsprófs

Nemendur sem ætla að útskrifast með viðbótarnám til stúdentsprófs þurfa að taka eftirfarandi:

Kjarni

Nemendur þurfa að taka alla áfangana í kjarna.

Bundið áfangaval

Nemendur velja 5 einingar í ensku og/eða stærðfræði.
Nemendur velja annað hvort félagsfræði, náttúrufræði eða sögu sem viðbót (5 einingar).

Frjálst val

Nemendur nýta frjálst val til þess að fylla upp í þær 200 einingar sem þarf til stúdentsprófs. Nemendum er bent á að kynna sér vel þær kröfur sem gerðar eru til samsetningar stúdentsprófs í því námi sem stefnt er á í framhaldinu og haga vali á áföngum í samræmi við þær.
Náms- og starfsráðgjafar veita nánari upplýsingar um viðbótarnám til stúdentsprófs.

Athugið að einingar á 1. þrepi mega að hámarki vera 66, einingar á 2. þrepi mega að hámarki vera 100 og einingar á 3. þrepi þurfa að vera að lágmarki 34.