22/11/2024 | Ritstjórn
Skuggakosningar 2024

Nemendur í kjörnefnd
Fimmtudaginn 21. nóvember fóru fram skuggakosningar í Borgarholtsskóla. Skuggakosningar eru hluti af lýðræðisátakinu #égkýs sem varð til vegna dræmrar kosningaþátttöku ungs fólks. Átakinu er ætlað að efla lýðræðisvitund og hvetja ungt fólk til að kjósa. Skuggakosningar eru kosningar þar sem framhaldsskólanemar kjósa sína fulltrúa á Alþingi og munu endurspegla vilja nemenda um allt land. Niðurstöður verða gerðar opinberar eftir að kjörstöðum lokar á kjördag alþingiskosninga, 30. nóvember.
Í tilefni af skuggakosningunum hafa frambjóðendur stjórnmálaflokka heimsótt skólann undanfarna daga, haldið stutta tölu í matsal nemenda og fengið góðar spurningar úr sal. Frambjóðendum sem heimsóttu skólann er þakkað kærlega fyrir innlitið. Flosi Jón Ófeigsson og Guðbjörg Hilmarsdóttir, kennarar á listnámsbraut, hafa haft umsjón með skuggakosningunum að þessu sinni en kjörsókn nemenda var nokkuð góð. Flosa og Guðbjörgu er þakkað fyrir vandaða vinnu við kosningarnar og undirbúning þeirra.
Myndagallerí

Flosi ásamt nemendum í kjörnefnd

Fulltrúar Sósíalistaflokksins

Fulltrúar Samfylkingarinnar

Fulltrúar Framsóknar

Fulltrúi Vinstri grænna

Fulltrúi Viðreisnar

Fulltrúar Sjálfstæðisflokksins

Fulltrúar Pírata

Fulltrúi Lýðræðisflokksins

Fulltrúi Flokks fólksins

Fulltrúi Miðflokksins

Nemendur ræða við frambjóðendur

Kjörnefnd ásamt Flosa og Guðbjörgu í nóvembersólinni