Meðferð vísbendinga um vímuefnaneyslu í Borgarholtsskóla

Vímuefnaneysla samrýmist ekki námi í Borgarholtsskóla

1. Ábendingar um hugsanlega vímuefnaneyslu berast til starfsfólks skólans frá nemendum, foreldrum, kennurum eða öðru starfsfólki.
2. Forvarnafulltrúa/náms- og starfsráðgjafa er gerð grein fyrir grunsemdum.
3. Forvarnateymi skólans tekur málið til umfjöllunar og kallar eftir upplýsingum frá öðru starfsfólki skólans og foreldrum þar sem það á við. Forvarnateymið ákveður næstu skref í málinu.
4. Ef forvarnateymi telur allt benda til að um vímuefnaneyslu sé að ræða lætur það viðkomandi umsjónarkennara vita sem gerir foreldrum grein fyrir stöðunni og beinir þeim til forvarnafulltrúa/náms- og starfsráðgjafa.
5. Forvarnafulltrúi/náms- og starfsráðgjafi fer yfir:
   - tilboð skólans til að aðstoða nemanda og foreldra
   - hvað foreldrar geta gert til aðstoðar barni sínu og skólanum
   - hver ábyrgð foreldra er í meðferð vímuefnavanda
6. Skólameistari kallar á viðkomandi nemanda og gerir honum grein fyrir stöðunni, hvert tilboð skólans er til aðstoðar og þeim viðurlögum sem beita má innan skólans vegna vímuefnaneyslu.
7. Forvarnafulltrúi/náms- og starfsráðgjafi ræðir við viðkomandi nemanda.
8. Ef ofangreindar aðgerðir bera ekki árangur að mati forvarnateymis verður gripið til eftirfarandi aðgerða:
   - viðurlögum beitt
   - rætt við foreldra
   - tilkynnt um vímuefnaneyslu til lögreglu

           

Sé nemandi yfir 18 ára aldri er ekki haft samband við foreldra nema með gefnu leyfi nemandans.

- Ef nemandi er í vímuefnavanda er það siðferðisleg skylda samnemenda, starfsfólks, kennara og skólastjórnenda að skerast í leikinn.