Áhugi minn á sálfræði kviknaði í Borgó og var námið þar virkilega góður undirbúningur fyrir háskólanámið. Mikið úrval var af sálfræðiáföngum sem voru fjölbreyttir, skemmtilegir og krefjandi.

Eftir að ég byrjaði í Borgó þá gekk mér vel og með stuðningi og hjálp frá kennurum og starfsfólki skólans uppgötvaði ég að skóli og nám átti mjög vel við mig og að ég væri bara nokkuð góður námsmaður.

Ég mæli hiklaust með skólanum fyrir hvern sem er enda býður hann upp á fjölbreytileika í námi svo flestir ættu að geta fundið eitthvað við sitt hæfi.