Vörumessa ungra frumkvöðla
Í dag föstudaginn 5. apríl og á morgun laugardaginn 6. apríl verður Vörumessa ungra frumkvöðla haldin í Smáralind. Um 70 nemendur Borgarholtsskóla í áfanganum NÝS3A05 keppa þar í nýsköpun við nemendur í öðrum framhaldsskólum landsins.
Nemendur Borgarholtsskóla eru mættir til leiks vopnaðir lokaverkefnum sínum í áfanganum og eru verkefnin bæði fjölbreytt og áhugaverð. Eru allir velunnarar skólans hvattir til að mæta í Smáralindina og skoða afraksturinn af vinnu nemenda í vetur.
Það eru þau Unnur Gísladóttir og Óttar Ólafsson sem kenna lokaáfangann í nýsköpun og hafa þau staðið í ströngu með nemendunum við undirbúning sýningarinnar.
Hér má nálgast meiri upplýsingar um vörumessuna: https://ungirfrumkvodlar.is/event/vorumessa-smaralind/