Val fyrir haustönn 2020

17/3/2020

  • BHS

Þrátt fyrir lokun skólans vegna COVID19 þurfum við að láta skólastarfið rúlla áfram. Því biðjum við nemendur um að huga að vali sínu fyrir næstu önn.

Valið fer fram í Innu eins og undanfarnar annir. Nemendur velja áfanga í samræmi við brautarplön sem finna má á vef skólans . Að jafnaði velja nemendur 30 til 35 einingar og einn til tvo áfanga til vara. Leiðbeiningar vegna vals áfanga í Innu .

Umsjónarkennarar munu setja af stað spjallþræði á Innu miðvikdaginn 18. mars kl. 9.00 og munu fylgjast með þráðunum til kl. 16.00 þann dag. Mælst er til þess að nemendur ljúki vali sínu á þessu tímabili og beini þeim spurningum sem kunna að vakna inn á spjallþræðina. Eins geta nemendur haft samband við kennara í gegn um tölvupóst . Nemendur sem ekki hafa umsjónarkennara geta haft samband við viðkomandi sviðstjóra, áfangastjóra eða náms- og starfsráðgjafa. Upplýsingar um netföng starfsmanna.

Þar sem aðstæður nú eru sérstæðar munu sviðstjórar fara sérstaklega vel yfir valið að þessu sinni. Það kemur þó ekki í veg fyrir að hver og einn nemandi beri fulla ábyrgð á sínu vali. Vegna þessara aðstæðna er mikilvægt að nemendur staðfesti val sitt þegar það hefur verið yfirfarið en það verður þó ekki hægt fyrr en líður nær skólalokum í vor.

Áfangaframboð bóknáms næstu þrjár annir


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira