Þjálfun í umferli
Föstudaginn 8. desember var Vala Jóna Garðarsdóttir umferliþjálfi með kynningu fyrir nemendur í fötlunarfræði á félagsvirkni- og uppeldissviði.
Fór Vala Jóna yfir umferli, athafnir daglegs lífs og
almenna umgengni við blinda og sjónskerta.
Með orðinu umferli er, samkvæmt vef
Þjónustu- og þekkingarmiðstöðar fyrir blinda, sjónskerta og daufblinda einstaklinga, átt við að komast leiðar sinnar á öruggan hátt, hvort heldur sem er innandyra eða utan.
Almenn ánægja var með fræðsluna og þótti nemendum gaman að fá að taka æfingu í að skerpa skilninginn, bæði á hlutverki þess blinda og aðstoðarmannsins.