Stærðfræðikeppni framhaldsskólanna

26/10/2018

  • BHS

Forkeppnin fyrir stærðfræðikeppni framhaldsskólanna var haldin þann 9. október síðastliðinn. 

Keppnin fór þannig fram að skriflegt próf var lagt fyrir þátttakendur á sama tíma í öllum þátttökuskólum. Höfðu kennarar hvers skóla umsjón með fyrirlögninni.  Þeim 14 nemendum sem standa sig best af landinu öllu verður boðið í lokakeppnina sem haldin er á vorönn 2019 og er keppt um sæti í ólympíuliði Íslands í stærðfræði á næsta ári.  Ólympíulið Íslands keppir á ýmsum mótum gegn liðum frá öðrum þjóðum þar á meðal á ólympíuleikunum í stærðfræði sem haldnir verða í Rúmeníu 2019. 

Alls tók 341 nemandi úr 20 framhaldsskólum þátt í keppninni.  Þar af voru 18 nemendur úr Borgarholtsskóla.  Það er ánægjulegt að geta stutt við bakið á þessari keppni og að nemendur skólans hafi tækifæri til að láta ljós sitt skína á þessu sviði.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira