Smásagnakeppni FEKÍ

11/10/2021 Bóknám

  • Sara Sóley og Eliza Reid

FEKÍ, Félag enskukennara á Íslandi, efnir til árlegrar smásagnakeppni á ensku fyrir framhaldsskóla og eru allir nemendur í Borgarholtsskóla hvattir til þess að taka þátt. Þemað í ár er Dear world og sagan á að vera 1-3 blaðsíður að lengd.

Skilafrestur er til 16. nóvember og eru þátttakendur beðnir um að senda söguna sína til einhvers enskukennara skólans (athugið að nemendur þurfa ekki að vera í enskuáfanga á önninni til þess að taka þátt).

FEKÍ veitir verðlaun fyrir bestu sögurnar, auk þess sem enskudeild Borgarholtsskóla veitir verðlaun fyrir þær sögur sem þótt hafa skarað fram úr í skólanum. Borgarholtsskóli hefur verið sigursæll í keppninni undanfarin ár og Sara Sóley Ómarsdóttir vann keppnina á landsvísu síðasta ár. Þess ber að geta að verðlaunaafhending fyrir bestu sögur landsins mun fara fram að Bessastöðum.

Meðfylgjandi mynd er af Söru Sóley þar sem hún veitti verðlaunum viðtöku á Bessastöðum. 


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira