Samvinna við búningagerð
Mjög stór hópur útskriftarnema tók sig saman og gerðu dimmisjón búninga. Fyrirmyndin eru persónur úr Breaking Bad.
Einnota málningargallar voru málaðir gulir og aftan á þá var settur BHS stimpill.
Flügger litir gaf málningu til verksins og aðstaðan í bílamáluninni var notuð. Verkið gekk því hratt og vel fyrir sig.
Nemendur í bíliðngreinum komu dimmisjónnefndinni til aðstoðar og það var einstaklega ánægjulegt að fylgjast með þessum nemendahóp leggja kapp á að gera gallana sem best úr garði.