Samsýning í nýsköpun

30/11/2018

Fimmtudaginn 29. nóvember opnaði samsýning framhaldsskólanna í nýsköpun í Ráðhúsi Reykjavíkur.

Nemendur í áfanganum NÝS3A05 hafa unnið hörðum höndum undir stjórn Unnar Gísladóttur fagstjóra í nýsköpun að lokaverkefni þetta haustmisseri og er afrakstur þessarar vinnu sýndur á samsýningunni. Verkefnið hófst á síðustu önn en Borgarholtsskóli leggur mikið upp úr kennslu í nýsköpun og frumkvöðlafræðum. Auk Unnar kenna Óttar Ólafsson og Reynir Már Ásgeirsson nýsköpun í skólanum.   

Fimm hópar úr Borgarholtsskóla sýna verkefnin sín og verða þau til sýnis fram til sunnudagsins 2. desember. Verðlaun verða veitt þann dag kl.14:00 og er mikil eftirvænting hvort að einhver í Borgó næli sér í verðlaun.

Samsýningin er unnin í samstarfi við Nýsköpunarmiðstöð Íslands sem haldið hefur utan um allt skipulag.