Samstarf um netöryggismál

23/11/2015

  • Óttar Ólafsson á Litháenskum skólabekk.
  • Norskir og íslenskir kennarar virða fyrir sér dreifikerfi skólanets Litháen (LitNet).

Um þessar mundir er mikið rætt um net- og gagnaöryggi (cyber security). Aukin vitund um mikilvægi þess að gæta varúðar í samskiptum á neti og við varðveislu gagna er hjá fyrirtækjum, hinu opinbera og einstaklingum.

Borgarholtsskóli tekur nú þátt í verkefni ásamt skólum og samtökum í Litháen og Noregi sem miðar að því að semja námskrá fyrir framhaldsskólanema um net- og gagnaöryggi. Fjórir af kennurum skólans eru staddir í borginni Kaunas í Litháen til að leggja lokahönd á undirbúning námskrárgerðarinnar. Hefur hópurinn, ásamt fjórum Norðmönnum og gestgjöfunum, heimsótt fyrirtæki og stofnanir bæði í Kaunas og höfuðborginni Vilnius auk þess sem fundað hefur verið í skóla heimamanna (Kauno informacinių technologijų mokykloje, http://kitm.lt/).

Áætlað er að áfanginn verði tilbúinn til kennslu í september á næsta ári. Verkefnið hlaut styrk úr sjóðum  EES (EES Grants, http://eeagrants.org/).


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira