Rúrí í heimsókn

30/11/2015

  • Rúrí í heimsókn í nóvember 2015
  • Rúrí í heimsókn í nóvember 2015
  • Rúrí í heimsókn í nóvember 2015

Föstudaginn 27. nóvember fékk listnámsbraut BHS myndlistarkonuna Rúrí í heimsókn. 
Rúrí sagði nemendum og kennurum frá starfi sínu og verkum. Fyrirlesturinn var vel sóttur og gerður góður rómur að honum.

Í tilefni af degi myndlistar, 31. október 2015,  bauð  Samband íslenskra myndlistarmanna (SÍM) skólum upp á kynningu á starfi myndlistarmanns. Kynningarnar eiga að veita ungu fólki innsýn í það viðamikla starf sem felst í því að vera myndlistarmaður og bæta þannig grunnþekkingu á faginu.

Undanfarin ár hefur SÍM staðið fyrir degi myndlistar þar sem gestum og gangandi er boðið að heimsækja listamenn á vinnustofur þeirra. Þessi kynning á myndlistarmönnum hefur gefist mjög vel og hefur dagur myndlistar verið árviss viðburður í sífelldri þróun. Árið 2010 var verkefnið sett í fastari ramma og umfangið aukið.  Dagurinn er hugsaður sem vitundarátak með það að markmiði að auka þekkingu landsmanna á starfi íslenskra myndlistarmanna



Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira