Rafræn ferilbók

16/9/2021 Málmiðngreinar

  • Rafræn undirskrift

Fyrsta rafræna ferilbókin í málmsmíði við Borgarholtsskóla var undirrituð í gær. Undirritunin fór fram rafrænt í skólanum þriðjudaginn 14. september. Anton Bragi Andrason, nemandi í rennismíði, er fyrsti nemandi Borgarholtsskóla til nota rafræna ferilbók en hann verður á námssamning hjá Baader á Íslandi. 

Samkvæmt nýrri reglugerð um vinnustaðanám á framhaldsskólastigi sem tók gildi 1. ágúst 2021 voru rafrænar ferilbækur teknar í notkun. Markmið rafrænna ferilbóka er að efla gæði starfsþjálfunar með því að mynda samskiptavettvang nemanda, vinnustaða, skóla og annara sem koma að starfsnámi. Rafrænar ferilbækur munu innihalda lýsingu á verkþáttum og hæfni sem nemandi þarf að búa yfir við lok starfsnáms. Ferilbækur eiga að tryggja að nemendur fái þjálfun í þeim verkþáttum sem hæfnikröfur starfs gera ráð fyrir. Rafrænar ferilbækur hafa verið teknar í notkun í rennismíði og blikksmíði en verða teknar í notkun í vélvirkjun í janúar. 

Rafrænar ferilbækur eru mikilvægar til þess að einfalda utanumhald og auka gæði starfsþjálfunar auk þess að auðvelda eftirfylgni skólans með nemendum. 


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira