Nýnemakynning
Í dag, miðvikudaginn 17. ágúst var kynning í sal skólans fyrir þá nýnema sem eru að koma beint úr grunnskóla og forráðamenn þeirra.
Skólameistari ávarpaði nemendur í byrjun. Stuðningsþjónustan (náms- og starfsráðgjafar, dyslexíuráðgjafi og félags- og forvarnarfulltrúar) var kynnt og nemendur hvattir til að leita til þeirra eftir þörfum. Stjórn Nemendafélags Borgarholtsskóla kom og sagði frá félagslífinu. Að lokum var bókasafnið kynnt og athygli vakin á vef skólans.
Nemendur fóru að þessu loknu og hittu sína umsjónarkennara en foreldrar sátu eftir og fengu kynningu á upplýsingakerfinu Inna.is
Eins og sjá má á meðfylgjandi myndum var fjöldi gesta nokkur enda er aðsókn að skólanum mikil og nýnemar því margir.