Skóhlífadagar og Glæsiball
Miðvikudaginn 20. febrúar og fimmtudaginn 21. febrúar voru skóhlífadagar Borgarholtsskóla. Þessa daga fellur hefðbundin kennsla í skólanum niður og nemendur eiga kost á að sækja námskeið sem kennarar bjóða upp á í stað kennslu.
Á fimmtudagskvöldið var hið árlega Glæsiball haldið í skólanum. Um er að ræða algerlega vímulaust ball. Kennarar og starfsfólk skólans mæta einnig á ballið og þjóna nemendum til borðs. Á föstudag var svo frí hjá nemendunum en starfsdagur hjá starfsfólki skólans.
Hér fyrir neðan má sjá mynd af hópi sem var á bílanámskeiði fyrir stelpur. Leiðbeinendur voru: Hildur nemandi í bifvélavirkjun (yst til vinstri) og Ingibergur kennari í bifvélavirkjun (til hægri).
Hér fyrir neðan eru myndir frá glæsiballinu.
