Blikksmíðaverkstæði opnað formlega í málmskála.
Blikksmíðaverkstæði var formlega opnað í málmdeild Borgarholtsskóla miðvikudaginn 20. September.
Við opnunina mættu fulltrúar frá Félagi blikksmíðaeigenda, sveinsprófsnefnd, starfsgreinaráði, menntamálaráðuneytinu, Samtökum iðnaðarins, Iðan, stjórnendur skólans, nemendur, kennarar og nokkrir starfsmenn skólans. Helstu vélarnar sem teknar voru í notkun voru tölvustýrð plasmaskurðarvél, fullkomin beygjuvél með snertiskjá og digital stýrðar klippur. Þá hefur málmsuðudeildin endurnýjað allar suðuvélar, alls 24 Kemppi vélar frá Ístækni.
Í tilefni opnunar málmskálans og 10 ára afmælis Borgarholtsskóla færði Félag blikksmíðaeigenda skólanum 24.000 kr. að gjöf sem munu renna beint í söfnunina fyrir skóla í Pakistan.
