83 nemendur útskrifaðir frá Borgarholtsskóla
Laugardaginn 17. desember voru 83 nemendur útskrifaðir frá Borgarholtsskóla af ýmsum brautum skólans. Þetta er 10. starfsárið. Hæstu einkunn 9.10 hlaut Ásta Ragna Stefánsdóttir af málabraut. Ræðumaður útskriftarnemenda var Símon Geir Geirsson af félagsfræðibraut.
Í ræðu sinni til útskriftarnema minntist Ólafur Sigurðsson skólameistari á nauðsyn þess, á tímum örra tækninýjunga og hraða, að standa vörð um manngildi eins og ábyrgð, auðmýkt og umburðarlyndi.
