Afreksnemendur fá styrk

21/1/2015

  • Nemendur af afrekssviði - landsliðsstyrkur

Miðvikudaginn 14. janúar  var afhentur í fyrsta sinn landsliðsstyrkur afreksíþróttasviðs. Nemendur sem fóru út á vegum síns landsliðs á haustönn fengu afhentan styrk upp á 25 þúsund krónur hver. Á það eflaust eftir að koma í góðar þarfir því margir íþróttamenn þurfa að standa undir ferðakostnaði og upphaldi sjálfir.

Eftirfarandi keppnisferðir voru styrktar:

  • Aron Knútsson, heimsmeistaramót U20 ára með íshokkílandsliði Íslands á Jaca á Spáni
  • Andrea Jacobsen, æfingaferð með U17 ára landsliði Íslands í handbolta til Hollands, keppti á móti U19 ára landsliði Hollands
  • Kristján Örn Kristjánsson, evrópumeistaramót U19 ára í Póllandi, tryggðu sér keppnisrétt á heimsmeistaramótinu í handbolta.
  • Jasmín Erla Ingadóttir, fór til Finnlands að keppa vináttuleiki með U17 ára kvennalandsliðinu í knattspyrnu
  • Hulda Hrund Arnardóttir, fór til Litháen með U19 ára til að keppa í undankeppni EM 2015 í knattspyrnu
  • Elvar Snær Ólafsson, fór til Spánar með U20 ára landsliði karla í íshokkí í Jaca á Spáni
  • Ásgrímur Þór Bjarnason, fór til Moldavíu með U17 ára landsliði karla í knattspyrnu
  • Úlfur Gunnar Kjartansson, fór til Frakklands á æfingamót með U17 ára landsliði karla í handbolta

Þessi styrkveiting er vonandi komin til að vera.  Aftur verða veittir styrkir fyrir ferðalög á vorönn í lok þessarar annar í maí. Styrkveitingunni er ætlað að styðja við okkar efnilega landsliðsfólk úr hinum ýmsu greinum og gera því auðveldara að taka þátt í kostnaðarsömum verkefnum.

Á meðfylgjandi mynd er hópurinn flotti sem fékk þennan styrk fyrir haustönnina. Þau eru talið frá vinstri: Sveinn Þorgeirsson verkefnisstjóri afreksíþróttasviðs, Úlfur Gunnar Kjartansson, Hulda Hrund Arnarsdóttir, Elvar Snær Ólafsson, Jasmín Erla Ingadóttiri, Ásgrímur Þór Bjarnason, Andrea Jacobsen og Kristján Örn Kristjánsson.

Við vonumst til að þessi hópur eigi bara eftir að stækka. Afreksíþróttasviðið óskar þessum nemendum til hamingju.




Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira