Skóhlífadagar
Skóhlífadagar standa nú yfir í Borgarholtsskóla. Skóhlífadagar eru þemadagar sem haldnir eru á vorönn ár hvert og draga nafn sitt af því að á fyrstu árum skólans voru allir nemendur í bláum skóhlífum og setti það sterkan svip á ganga skólans.
Í stað hefðbundinnar kennslu er boðið upp á fjölbreytt námskeið. Það er skólaskylda þessa daga og verður hver nemandi að velja sér þrjú námskeið til að sitja.
Að venju er efni námskeiðanna mjög fjölbreytt, t.d. félagsvist, blóðgjöf, kökubakkasmíði, jóga, prjón og hekl, matreiðsla, ljóðagerð, golf og jeppaferð.
