Karen Lind vann söngkeppnina

27/1/2014

  • Hjörleifur Steinn og Tómas Ingi

Söngkeppni Borgarholtsskóla var haldin fimmtudaginn 16. janúar sl. í Kaldalóni í Hörpunni.

Að þessu sinni voru 11 atriði skráð til leiks og var keppnin vel sótt af Borghyltingum.

Kynnar kvöldsins, þeir Hjörleifur Steinn Þórisson og Tómar Ingi Gunnarsson stóðu sig með stakri prýði.

Í dómnefndinni voru þau Matti Matt (Matthías Matthíasson), Agnes Björt Andradóttir (úr hljómsveitinni Sykur) og Emmsjé Gauti (Gauti Þeyr Másson). Þau unnu það erfiða verk að raða í fyrstu þrjú sætin.  Þau voru ekki öfundsverð þar sem atriðin voru hvert öðru betra.

Leikar fóru  svo að í 1. sæti varð Karen Lind Harðardóttir með lagið Closer eftir Kings of Leon, í  2. sæti Aron Hannes Emilsson með lagið Who's Loving You eftir Jackson 5 og í  3. sæti Kolfinna Þorgrímsdóttir með lagið Shelter eftir Birdy.

Dómnefndin útnefndi svo skemmtilegasta atriðið en það var atriði Antons Bergmanns og Friðriks Eiríkssonar sem fluttu One time.

Á meðan að dómnefnd var að störfum kom svo Steinar og söng 5 lög af plötunni sinni við góðar undirtektir viðstaddra.

Ljósmyndir með þessari frétt eru fengnar af síðu Nemendafélags Borgarholtsskóla á facebook.

Karen Lind Harðardóttir

Karen Lind Harðardóttir varð í 1. sæti.

Aron Hannes Emilsson

Aron Hannes Emilsson varð í 2. sæti.

Kolfinna Þorgrimsdóttir

Kolfinna Þorgrímsdóttir varð í 3. sæti.

Anton Bergmann og Friðrik Eiríksson

Atriði Antons Bergmanns og Friðriks Eiríkssonar var valið skemmtilegasta atriðið.



Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira