Dagur íslenskrar tungu
Laugardaginn 16. nóvember var dagur íslenskrar tungu en það er fæðingardagur Jónasar Hallgrímssonar. Af því tilefni var í dag staðið fyrir dagskrá í fyrirlestrarsal skólans þar sem nemendur, fyrrverandi og núverandi voru í aðalhlutverkum. Dagur, Bjarki og Arnór Steinn fluttu frumsamin ljóð. Brynhildur og Heiðrún sungu lagið Líf og Íris og Þórunn sungu Sofðu unga ástin mín. Tilkynnt var um sigurvegara í ljóðasamkeppni. Að lokum las fyrrverandi nemandi, Agnes Wild upp úr ljóðabók sinni, Súrsæt skrímsli, sem er nýkomin út.
Það er greinilegt að nemendur Borgarholtsskóla eru hæfileikaríkir og standa sig vel í hverju því sem þeir taka sér fyrir hendur.
