Athöfn í matsal vegna umhverfisviðurkenningar.
Ólafur Sigurðsson skólameistari kallaði saman nemendur og kennara og sagði frá umhverfisviðurkenningu Reykjavíkur sem Borgarholtsskóla hlotnaðist í síðustu viku. Hann þakkaði m.a. nemendum fyrir þátt þeirra í að skólinn hlýtur slíka viðurkenningu og afhenti Ásgerði Kjartansdóttur ræstingastjóra viðurkenningarskjalið. Viðurkenningarskjalið ásamt verðlaunagripnum, sem skólinn fékk, verður geymt í sýningarskáp með öðrum verðlaunagripum. Verðlaunagripurinn er listaverk eftir Huldu Hákon myndlistarmann, er nefnist “Eldurinn”. Ólafur lét listaverkið ganga milli nemenda og til umsjónarmanns sem kom því fyrir í sýningarskápnum.
