Frábær rafting-ferð í Hvítá!

16/9/2013

  • Afreksnemendur í haustferð 2013

Það var hress og kraftmikill hópur nýnema af afreksíþróttasviði Borgarholtsskóla sem fór í rafting í Hvítá í hádeginu á föstudaginn var. Hópurinn samanstóð af ríflega 30 afreksnemendum í golfi, körfubolta, handbolta og fótbolta ásamt kennurum. Sú hefð hefur myndast að fara með nýnema af afreksíþróttasviði í sérstaka hópeflisferð og er þetta í annað sinn sem farið er með hóp á Drumbholtsstaði. Sólin skein á okkur lengst af og því allar aðstæður prýðilegar.

Það er skemmst frá því að segja að allt fór vel fram, enda fyrirmyndarhópur þarna á ferðinni sem gerir hlutina af krafti og vel! Nemendur voru skólanum og sjálfum sér til mikils sóma og skemmtu sér vel. Meðfylgjandi myndir segja allt um skemmtilega stemmningu í ferðinni.

Til að loka frábærri ferð var boðið upp á grillað lambakjöt í skálanum.

Afreksnemendur í haustferð 2013

Afreksnemendur í haustferð 2013

Afreksnemendur í haustferð 2013

Afreksnemendur í haustferð 2013

Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira