Lýðræðislegur skólafundur
Hátt í 70 nemendur mættu föstudaginn 12. apríl á lýðræðisfund í matsal skólans. Valinn hópur kennara leiddi umræðurnar.
Tilgangurinn var að skapa sameiginlegan grundvöll nemenda og starfsfólks til gagnrýninnar umræðu um það sem betur mætti fara í skólastarfinu.
Nemendur spurðu sig: Hverju viljum við breyta? Hvernig má bæta skólastarfið? Þetta kom m.a. fram:
- Matur þarf að vera fjölbreyttari og ódýrari.
- Kennarar noti múðluna og skrái niður verkefni sem farið er í hverju sinni.
- Hraðsuðuketil þarf fyrir nemendur sem drekka te.
- Bæta þarf loftræstikerfi skólans.
- Rýmka skóreglur.
- Stytta kennslustundir í 60 mínútur.
Fullyrða má að tillögur nemenda nýtist vel til að gera góðan skóla betri.
Tilraun um lýðræðisfund tókst vel og verður okkur hvatning til að halda áfram á sömu braut.
