Samstarf um félagslegan stuðning

11/9/2012

  • Félagslegur stuðningur

Á vor- og haustönn 2012 hefur Borgarholtsskóli tekið þátt í samstarfsverkefni með Rauða krossi Íslands og Miðgarði, þjónustumiðstöð Grafarvogs og Kjalarness. Verkefnið felst í því að nemendur Borgarholtsskóla geta gefið kost á sér sem sjálfboðaliðar í heimanámsaðstoð við grunnskólanemendur og fengið fyrir það einingar á námsferilinn sinn. 

Markhópur verkefnisins eru börn á aldrinum 8 til 16 ára sem eru í þörf fyrir heimanámsaðstoð vegna tungumálaerfiðleika heima fyrir eða annarra erfiðleika á heimili sem valda því að þau fá ekki þá aðstoð við heimanám sem þau eru í þörf fyrir. Markmiðið er að börnin standi betur námslega í skólanum, að þau kynnist innbyrðis í hópnum, efli félagsþroska sinn og rjúfi félagalega einangrun þar sem það á við.

Undanfarnar annir hefur Borgarholtsskóli tekið þátt í öðru mikilvægu samstarfsverkefni í nærsamfélaginu. Samstarfsaðilar eru Miðgarður, þjónustumiðstöð Grafarvogs og Kjalarness, ÍTR og Grafarvogskirkja. Markmið verkefnisins er að ná til félagslega einangraðra nýnema í skólanum, vinna með þeim í hóp í sjálfsstyrkingu, félagsfærni og almennum samskiptum til að sporna við brottfalli úr skólanum. Mikil ánægja hefur verið með verkefnið hjá þeim nemendum sem hafa tekið þátt og forráðamönnum þeirra. 

 

 


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira