Tveir nemendur valdir í A-landslið

26/1/2012

  • Katrín Gylfadóttir og Þórdís María Aikman

Tveir nemendur Borgarholtsskóla, þær Katrín Gylfadóttir og Þórdís María Aikman, voru í vikunni valdar í æfingahóp A-landsliðs kvenna í knattspyrnu. Katrín og Þórdís eru báðar á náttúrufræðibraut ásamt því að vera á afreksíþróttasviði skólans í knattspyrnu.

Stúlkurnar æfa að auki báðar knattspyrnu með Val og hafa leikið með unglingalandsliðum Íslands. Katrín er miðjumaður en Þórdís markvörður.

A-landslið kvenna æfir nú fyrir eitt erfiðasta æfingamót sem haldið er, en það fer fram á Algarve í Portúgal í mars. Í fyrra hafnaði liðið í 2. sæti á mótinu á undan afar sterkum þjóðum.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira