Fréttir frá starfsemi í bílgreinahúsi
Þann 18. febrúar var kynning í Borgarholtsskóla á borgarbíl framtíðarinnar.
Ingólfur Harðarson kynnti nemendum bíltæknibrautar nýja þróun á undirvagni fyrir rafmagnsbifreiðar. Ingólfur hefur þróað nýja tegund af undirvagni fyrir rafmagnsfarartæki sem gerir þeim kleift að keyra beint til hliðar. Nýjungin felst í fimmta hjólinu undir miðjum bílnum sem bæði drífur hann áfram og stýrir. Þessi uppfinning gæti til dæmis hentað vel til að koma bíl í stæði.