Nemendur í ferðalagi
Rokksafn Íslands var heimsótt þar sem nemendur kynntu sér popp- og rokksögu Íslands og sýningin um Björgvin Halldórsson, Þó líði ár og öld, var skoðuð.
Skessan sem hefur aðsetur sitt í Svartahelli við smábátahöfnina í Gróf var líka heimsótt. Skessan er höfundaverk Herdísar Egilsdóttur sem hefur skrifað margar sögur um hana, en síðan 2008 hefur skessan búið í helli sínum og hefur gott útsýni yfir Keflavík og Faxaflóann.
Að lokum var pizza borðuð á veitingastaðnum Langbest áður en lagt var af stað til baka til Reykjavíkur eftir velheppnaða ferð.