Nám og kennsla frá og með 23. nóvember

20/11/2020

  • Gafl Borgarholtsskóla

Hér að neðan er að finna helstu atriði sem hafa þarf í huga og leiðbeiningar vegna náms og kennslu á einstökum brautum og sviðum. Nemendur geta reiknað með að þetta skipulag gildi til annarloka.

Almennt:

  • Algjör grímuskylda nemenda og starfsfólks.
  • Kennarar og starfsfólk í ræstingum sjá til þess að snertifletir séu hreinsaðir milli hópa og að snertifletir í almennum rýmum séu sótthreinsaðir einu sinni á dag hið minnsta.
  • Sóttvarnarhólf verða fjögur: Bílaskáli, málmskáli, bóknámshús og skrifstofuálma.
  • Engir óviðkomandi gestir eru leyfðir í skólahúsnæði.
  • Mötuneyti og aðrir staðir sem nemendur geta safnast saman á verða lokaðir.
  • Aðgangi að námsaðstöðu á bókasafni er stýrt af náms- og starfsráðgjöfum þannig að hámarksfjöldi nemenda á safninu fari aldrei yfir 30.

Sérnámsbraut:

  • Kennsla verður með svipuðu sniði og verið hefur, þ.e. allir nemendur í staðnámi.
  • Nemendum er skipt í hópa, 9 eða færri í hverjum.
  • Sérstaklega er gætt að hópaskiptingu og að engin blöndun milli hópa eigi sér stað.

Framhaldsskólabraut:

  • Kennsla verður með svipuðum hætti og verið hefur, þ.e. staðnám.
  • Engin blöndun milli hópa á sér stað.

Listnámsbraut:

  • Nýnemar fæddir 2004 eru í staðnámi í þeim hópum þar sem hægt er að tryggja að ekki verði blöndun milli ólíkra námshópa.
  • Eldri nemendur eru í fjarnámi nema hægt sé að tryggja að þeir blandist ekki milli hópa og við nýnema.
  • Kennarar sem geta skipulagt nám sem fjarnám eru hvattir til þess.

Bóknámsbrautir:

  • Allir nemendur eru í fjarnámi þar sem ekki er hægt að tryggja að ekki verði um blöndun milli námshópa að ræða.
  • Í undantekningartilfellum verður kennurum heimilt að kalla nemendur inn til að sinna einstökum námsmatsþáttum.

Félagsvirkni- og uppeldissvið:

  • Nemendur eru í fjarnámi í bóklegum greinum.
  • Nemendur í HÚS1A05 (verklegur áfangi) eru í staðnámi að mestu.

Málmiðngreinar og grunndeild bíla:

  • Svipað fyrirkomulag og verið hefur undanfarnar vikur, þ.e. nemendur koma inn u.þ.b. einn dag í viku í verklegar og fagbóklegar greinar.
  • Hópum er skipt í undirhópa til að tryggja að ekki verði fleiri en 10 á hverju svæði.
  • Engin blöndun nemenda er milli ólíkra hópa og undirhópa.

Bíliðngreinar - lotur:

  • Svipað fyrirkomulag og verið hefur.
  • Hópum þar sem nemendur eru fleiri en 9 er tvískipt.
  • Engin blöndun er á milli nemenda úr ólíkum hópum.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira