Heimsókn á Drekaslóð

18/12/2018

  • Nemendur í siðfræði í heimsókn á Drekaslóð.
  • Nemendur í siðfræði í heimsókn á Drekaslóð.
  • Nemendur í siðfræði í heimsókn á Drekaslóð.
  • Nemendur í siðfræði í heimsókn á Drekaslóð.

Í síðustu staðlotu haustannar fóru nemendur í siðfræði í dreifnámi félagsvirkni- og uppeldissviðs ásamt kennara sínum Hildi M. Einarsdóttur í heimsókn á Drekaslóð. Thelma Ásdísardóttir tók á móti hópnum og fræddi nemendur um afleiðingar ofbeldis. Í kjölfarið spruttu upp góðar umræður.

Drekaslóð eru samtök sem aðstoða þolendur sem hafa orðið fyrir hvers kyns ofbeldi. Það er gert með einstaklingsviðtölum, fjölbreyttu hópastarfi og ýmis konar fræðslu. Í samtökunum starfar hópur fólks, bæði karlar og konur,  sem hefur mikla reynslu og þekkingu á afleiðingum ofbeldis. Jafnframt því að veita þolendum eineltis aðstoð er lögð áhersla á að aðstandendur þeirra geti komið og fengið ráðgjöf. Ofbeldi sem er framið gegn einum hefur oftast áhrif á stóran hóp fólks, ástvini þolandans.

Það skiptir miklu máli að ná til ungs fólks eins fljótt og hægt er í kjölfar ofbeldis. Drekaslóð er með sérsniðið efni fyrir ungt fólk til að vinna sig frá afleiðingum ofbeldis.

Heimsóknin var ánægjuleg í alla staði og voru nemendurnir mjög ánægðir með fræðslu Thelmu.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira