Evrópski tungumáladagurinn
Evrópski tungumáladagurinn var haldinn í tuttugasta skiptið þann 26.september. Í Evrópu eru töluð rúmlega 200 tungumál en meira en helmingur Evrópubúa er tvítyngdur. Flestir tala rússnesku, þýsku, frönsku og svo ensku sem fyrsta mál.
Hér í Borgarholtsskóla er hægt að læra fjögur erlend tungumál. Í tilefni af þessum degi tóku kennarar erlendra tungumála sig saman um að „laufga tungumálatré“ með mislitum laufblöðum sem nemendur höfðu skreytt alls kyns skemmtilegum málsháttum og öðrum skondnum setningum. Á þýsku má finna t.d „Du gehst mir auf den Keks“, á frönsku „C‘est simple comme bonjour“, á dönsku „Et sprog er ikke nok“ og á ensku „Still waters run deep“.