CreActive! ráðstefna á Flúðum

5/5/2021

  • CreActive! merki hannað af Ásrúnu Önnu Daníelsdóttur

Eitt af erlendu samstafsverkefnum Borgarholtsskóla heitir CreActive! Helga Kristrún Hjálmarsdóttir stýrir verkefninu en þetta er fyrsta Erasmus + samstarfsverkefnið sem Borgarholtsskóli hefur umsjón með.

Fyrirhugað var að hópur kennara og nemanda kæmu á síðasta ári en því var frestað um ár eða til 2021. Vegna Covid 19 var ekki hægt að taka á móti hópnum en ákveðið var að halda fjarvinnustofu eða -ráðstefnu fyrir verkefnið. Helga Kristrún og Kristveig, kennarar á listnámsbraut, fóru á Flúðir með nemendur úr grafískri hönnun og kvikmyndagerð til að vinna í verkefninu. Unnið var með Heimsmarkmið Sameinuðu þjóðanna og að þessu sinni var það þema nr 5 sem lá fyrir en það er um að jafnrétti kynjanna verði tryggt og að völd allra kvenna og stúlkna verði efld. Hanna Björg Vilhjálmsdóttir hélt fyrirlestur fyrir alla þátttakendur og var gestafyrirlesari á ráðstefnunni.

Nemendur unnu saman og hver hópur fyrir sig tók fyrir eitt vandamál er tengdist þemanu. Lokaafurð hópanna voru áhugaverðar, til dæmis voru gerð áróðursplaköt, vefsíður, rafbækur, ljósmyndaverk. Öll verkin höfðu það markmið að opna huga fólks um mikilvægi þess að ræða þessi mál og læra hvernig menning hvers lands í þessum málaflokkum eru. Hvað má laga, gera betur og hvað getum við lært af öðrum? Alls tóku um 40 nemendur og kennarar frá sex löndum þátt í ráðstefnunni sem stóð í þrjá daga.

Meðfylgandi mynd er merki verkefnisins sem Ásrún Anna Daníelsdóttir fyrrverandi nemendi Borgarholtsskóla hannaði.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira