Bíladelludagar í Borgó

6/3/2019

  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019
  • Bíladelludagar vorönn 2019

Dagana 27. febrúar - 5. mars voru bíladelludagar haldnir í Borgarholtsskóla.

Nemendur á bíltæknibrautum fengu alls konar uppbrot og áskoranir þessa daga og var létt yfir nemendum og kennurum og almenn ánægja með þessa tilbreytingu. Verkefnin voru fjölbreytt, m.a. unnið við rallýkrossbíl, driftbíl, nemendur fengu að aflprófa bíla, rífa sundur bíla og sumir þurftu að setja þá saman aftur. Boðið var upp á námskeið í að massa bíla, airbrush námskeið, ásamt því að búa til bíl – Ókindina, sem kláraðist á þessum bíladögum og keyrði um planið nemendum til ómældrar ánægju.

Krúser klúbburinn mætti með Trans am og Mustang til að sýna nemendum og kynntu jafnframt sína starfsemi. Björgunarsveitin Kópur kom með 2 breytta jeppa fyrir nemendur að skoða. Mikið var skriðið undir og inn í þá bíla og teknar myndir til að skoða hinar ýmsu útfærslur sem björgunarsveitin hefur gert á sínum bílum.

Áhuginn á bíladelludögum nær út fyrir nemendur í skólanum og mætti t.d. einn framtíðarnemandi á svæðið og fékk að taka smá þátt.

Bíladelludögum lauk með pizzaveislu fyrir nemendur í hádeginu síðasta daginn og var mikið líf og fjör í kaffistofunni þar sem nemendur og kennarar gæddu sér á pizzum.

Fleiri myndir frá dögunum má sjá á facebook síðu skólans.


Hefur þú ábendingu um frétt?

Sendu okkur jákvæðar og skemmtilegar fréttir.

Lesa meira