Bíltæknibrautir - ný námskrá

Þessi vefsíða er birt með fyrirvara um breytingar þar sem námskráin er enn í vinnslu.

Í skólanum er boðið upp á iðn- og starfsnám á þremur ólíkum sviðum: Bíliðngreinum, málmiðngreinum og félagsvirkni- og uppeldisgreinum. Námið er sniðið að þörfum atvinnulífsins og fer nokkur hluti þess fram á vinnustöðum.

Í bíliðngreinum blandast saman nútíma tölvu- og hátækni og hefðbundið handverk.

Í bíliðnum geta nemendur valið um þrjár brautir: Bifvélavirkjun , bifreiðasmíði og bílamálun . Að loknu námi og starfsþjálfun taka nemendur sveinspróf í viðkomandi iðngrein og hafa að því loknu full réttindi til starfa í greininni. Námið er á þriðja hæfniþrepi.

Mögulegt er að ljúka námi á öllum iðn- og starfsnámsbrautum með stúdentsprófi. Er það sett upp við hæfi hvers og eins í samráði við náms- og starfsráðgjafa skólans og sviðsstjóra. Stúdentspróf er að lágmarki 200 einingar og lýkur á þriðja hæfniþrepi.

Óski nemandi af bíltæknibraut eftir því að stunda nám á afreksíþróttasviði samhliða sinni braut, er sótt um það í samráði við sviðsstjóra iðn- og starfsnáms og verkefnisstjóra afrekssviðs. Einingar eru að mestu viðbót við einingafjölda viðkomandi brautar. Hins vegar geta þær nýst í stað íþróttaeininga, í frjálst val eða sem valeiningar í viðbótarnámi til stúdentsprófs eftir iðn- og starfsnám.

Fréttir af bíltæknibrautum.

Athugið að lotukerfi iðnnáms skiptist í gular lotur og grænar lotur og raðast þær ýmist fyrir eða eftir hádegi. Á myndinni hér fyrir neðan er hægt að sjá hvernig þær raðast.

Lotutafla bíla og málms

Græn lotutafla bíltæknibrauta haustönn 2022  
Gul lotutafla bíltæknibrauta haustönn 2022

18.8.2022