Hljóðbækur

Hljóðbókin er mikilvæg öllum sem af einhverjum orsökum eiga í lestrarerfiðleikum.  Hún nýtist m.a. þeim sem lesa hægt, stríða við einbeitingarskort og/eða hafa lítið úthald við lestur.

Nemendur geta líka nýtt sér vefinn og appið Storytel – www.storytel.is. Aðgangur kostar 2.990 krónur á mánuði.

Hljóðbókasafn Íslands

Námsmenn, sem ekki geta nýtt sér prentað letur, geta gerst lánþegar á Hljóðbókasafni Íslands. Greining sem staðfestir vanda í lestri tryggir aðgang að þessari þjónustu safnsins. Árgjald safnins er 2000 kr en er frítt fyrir yngri en 18 ára.

Allir umsækjendur þurfa að skila inn umsóknareyðublaði ásamt undirrituðu vottorði sem hægt er að fá hjá náms- og starfsráðgjafa um að greining liggi fyrir hjá skólanum.  Leiðbeiningar um umsókn að safninu.

Á vef Hljóðbókasafnsins eru einnig nákvæmar leiðbeiningar um hvernig hægt er að hlaða efninu niður á tölvu eða hlusta á síðunni.  

.

4.4.2022