|
Sumarnámskeið fyrir sálfræði-og uppeldisfræðikennara í ágúst 2006 Dagana 9. – 11. ágúst síðastliðinn var haldið sumarnámskeið Samtaka uppeldis- og sálfræðikennara í samvinnu við Endurmenntun HÍ. Námskeiðið var að þessu sinni haldið í húsakynnum Menntakólans í Kópavogi. Viðfangsefni námskeiðsins var afbrigðasálfræði eða SÁL303, þar sem fjallað var um m.a. nýjungar í kenningum og meðferðarúrræðum hinna ýmsu geðraskana. Dagskrá námskeiðsins: Miðvikud. 9. ágúst Mættir kennarar voru frá; BHS; Aron Trausti Haraldsson, Ívar Jónsson og Kristján Ari Arason. Haustráðstefna sálfræði- og uppeldisfræðikennara
í Barcelona Alls sóttu 18 manns frá Íslandi ráðstefnuna sem verður að teljast góð þátttaka þegar litið er til þess að heildarfjöldi ráðstefnugesta var um 60 manns. Ferðin þótti í alla staði takast afar vel enda vel að skipulagningu hennar staðið. Vel fór um hópinn því hann gistiá ágætu hóteli miðsvæðis í Barcelona (Hótel Sansi Diputación ****). Ráðstefnan er söguleg í þeim skilningi að þetta er í fyrsta skipti sem sálfræðikennarar á framhaldsskólastigi í Evrópulöndum koma saman. Auk íslensku þátttakendanna, komu kennarar frá Finnlandi, Skotlandi, Englandi, Norður-Írlandi, Noregi, Danmörku, Hollandi, Þýskalandi, Ítalíu og Spáni til hennar. Aðalfyrirlesarar voru þau Jette Hannibal frá Danmörku og Michael Eysenck frá Bretlandi. Fyrirlestrar þeirra voru ólíkrar gerðar þar sem Jette gerði einkum grein fyrir þeim breytingum sem hafa orðið á danska framhaldsskólanum og komu til framkvæmda fyrst nú í haust. Sjálf hefur hún, sem formaður félags sálfræðikennara í Danmörku, átt verulegan þátt í þeim breytingum sem eru að verða á sálfræðikennslu í Danmörku. Breytingarnar benda til þess Jette hafi orðið fyrir áhrifum frá þeim áherslum sem lagðar eru í sálfræðikennslu í svokölluðu IB námi (eða International Baccalaureate). Þar er mikil áhersla lögð á að nemendur temji sér vísindaleg vinnubrögð og aðferðafræði. Í sálfræðikennslunni í IB er gengið út frá stóru sjónarmiðunum í nútímasálfræði, þ.e. hugræna, líffræðilega og námssjónarmiðinu og lögð áhersla á að sálfræði fjalli fyrst og fremst um að skýra hið eðlilega sálarlíf. Jette og hennar samstarfsmenn hafa lagt svipaðar áherslur í nýju námsskránni í Danmörku og hefur að mestu tekist að útrýma áhrifum sálgreiningar og þeim klínísku og heimspekilegu áherslum sem hafa sett mark sitt á danska sálfræði síðastliðna áratugi. Eysenck var aftur á móti með spennandi fyrirlestur um spurninguna “Hvað segir heilaskimun okkur um sálfræðilega starfsemi?”. Hann byrjaði á að setja fram sjónarmið efasemdarmanna sem halda því fram að líffræðileg ferli komi sálfræðingum lítt eða ekki við. Hins vegar tók hann ýmis dæmi um það hvernig fram hefur komið mismunur á heilastarfsemi fólks á meðan það kljáist við sálfræðileg verkefni og hvernig það hefur birst með skýrum hætti á myndum af þessu tagi. Áhugaverður fyrirlestur og skemmtileg innspýting frá fræðilegu sjónarmiði séð. Auk þessa voru vinnustofur í gangi og var þar tekið á ýmsum málefnum sem snerta kennsluna beint og var margt af því áhugavert. Var þar meðal annars fjallað um notkun upplýsingatækni í kennslu, um hópvinnu og tóku þátttakendur lifandi þátt í þessum umræðum. Íslenski hópurinn náði vel saman og mun ferðin vafalítið verða lengi í minnum höfð. Meðal fyrirlesara voru Aldís Guðmundsdóttir og Kristján Ari Arason, en þau fjölluðu um notkun upplýsingatækninnar í kennslu sálfræði. Glærur sem tengjast fyrirlestri Aldísar og Kristjáns Ara má nálgast hér. Sjá nánar um ráðstefnuna á vef Evrópusamtaka sálfræðikennara; http://www.efpta.org/ en vefurinn var hannaður af íslandsdeild samtakanna.
Á ráðstefnunni í Barcelona var efnt til hópavinnu og umræðna
á milli fyrirlestra. Sumarnámskeið fyrir sálfræði-og uppeldisfræðikennara í ágúst 2004 Dagana 11.-13. ágúst var sumarnámskeið sálfræði-og uppeldisfræðikennara haldið í Kvennaskólanum í Reykjavík undir stjórn Lilju Úlfarsdóttur. Námskeiðið bar heitið „Straumar og stefnur í þroskasálfræði – veruleiki íslenskra barna“ en viðfangsefnin á námskeiðinu áttu aðallega að tengjast áföngunum, sál 203 (þroskasálfræði) og uppeldisfræði 203. Mæting var ágæt, aðstæður viðunandi þrátt fyrir hitabylgju á höfuðborgarsvæðinu og margir áhugaverðir fyrirlestrar. Fyrsti dagur námskeiðs var miðvikudagurinn 11. ágúst þar sem Einar Guðmundsson dósent við sálfræðiskor Háskóla Íslands fjallaði um stöðlun Wechslers greindarprófsins fyrir börn og ungmenni frá 3-7 ára (WPSSI-R). Prófið var staðlað og þýtt á 850 börnum en prófið inniheldur bæði mállegan og verklegan hluta. Einar fjallaði auk þess um grundvöll sálfræðilegra matstækja og staðlanir af ýmsu tagi og þá sérstaklega Íslenska þroskalistann og ýmsa aðra atferlislista. Farið var í algeng hugtök í tengslum við sálfræðileg próf en sú upprifjun kom að góðum notum. Eftir hádegi þennan saman dag og fyrir hádegi á fimmtudeginum 12. ágúst var viðfangsefnið greining og mótun hegðunar með atferlisfræði. Fyrirlesari var Zuilma Gabriela Sigurðardóttir lektor við sálfræðiskor Háskóla Íslands. Gabriela byrjaði á sögulegum grunni atferlishyggju áður en hún fjallaði um grundvallarþætti greiningar og mótunar hegðunar ásamt helstu tilraunasniðum atferlismótunar. Þá kynnti hún atferlislögmálin út frá SOS námskeiðinu. Hún fór meðal annars í ýmis konar klínísk vandamál, mat á meðferð, þjónustu og grundvallar víddir hegðunar. Innlegg hennar var nauðsynleg upprifjun og viðbótar fróðleikur sem leiddi síðan til umræðna í hópnum. Hún endaði á því að sýna myndaband um tilraunir atferlissinna á dýrum. Gabriela komst í raun yfir minna efni en hún ætlaði sér en hún hafði einnig með sér myndband um einhverfu og atferlismeðferð. Hún talaði um það að við gætum nálgast þessi myndbönd ef áhugi væri fyrir því. Eftir hádegi á fimmtudeginum kom Bragi Guðbrandsson forstjóri Barnaverndarstofu í heimsókn og var með sérstaklega áhugavert innlegg um störf Barnaverndarstofu, starfsemi Barnahúss og meðferðarheimili fyrir börn og unglinga á Íslandi. Það er greinilega mjög jákvæð þróun í gangi í Barnahúsi en starfsemin þar hefur vakið athygli víðsvegar. Lilja Úlfarsdóttir kennari í Kvennó hóf
daginn á föstudeginum en hún fjallaði um nýja
strauma í þroskasálfræðinni og þá sérstaklega
rannsóknir sínar á hugrænni úrvinnslu barna í félagslegum
aðstæðum. Lilja tengdi þetta viðfangsefni við skapandi
hugsun og listir og þá sérstaklega músík þerapíu. Deginum lauk síðan með umræðum um skiptimarkað fyrir námsefni og Kristján Ari Arason kynnti hugmyndir að heimasíðu félagsins. Félagsmönnum var boðið upp á kvöldverð á veitingarstaðnum Caruso og var mæting nokkuð góð en stemmninguna vantaði ekki. Í heildina litið var um mjög gagnlegt námskeið að ræða og má þakka Lilju Úlfarsdóttur fyrir vel unnin störf í tengslum við stjórn námskeiðsins. |
||||||||||||
 |
|||||||||||||
