Tölvuþjónusta

Í Borgarholtsskóla er tölvukerfinu skipt í tvö aðskilin net, annarsvegar staðarnet og hins vegar þráðlaust net. Þráðlausa netið er opið, það er að segja ekki þarf lykilorð eða sérstakar stillingar til þess að komast inn á netið. Í flestum tilfellum munu fartölvur nemenda finna netið sem er auðkennt með nafninu BHS. Ef nemendur þurfa hjálp við að tengjast þráðlausa netinu geta þeir farið til netstjóra í stofu 315 á           3. hæð bóknáms og fengið aðstoð.

Ætlast er til að nemendur sjái sjálfir um viðhald sinna tölva og hafi á þeim viðeigandi vírusvarnir.

Á staðarnetinu eru 7 tölvustofur. Á þriðju hæð bóknámshúss eru tvær tölvustofur notaðar til almennrar tölvukennslu auk þess sem þær eru opnar nemendum til verkefnavinnu þess á milli.

Á annarri hæð eru 3 tölvustofur listnáms og margmiðlunar. Í málmskála er ein tölvustofa notuð til kennslu í málmiðngreinum og AutoCAD og í bíladeild í sal á annarri hæð er les- og tölvukennslustofa bílgreinanemenda

Einnig hafa nemendur aðgang að tölvum á bókasafni.

Hver nemandi hefur heimasvæði sem honum er aðgengilegt úr hvaða tölvu sem er í framangreindum stofum. Stærð heimasvæðis hvers notanda er háð kvóta sem í dag er 30MB auk 30MB heimasíðuplássi. Einnig er kvóti á útprentun 50 blöð á önn. Hægt er að kaupa aukinn kvóta á skrifstofu, 20 kr. blaðið.

Freyr Gunnar Ólafsson gefur nánari upplýsingar um tölvukerfi skólans.

3.10.2017