Dyslexía er latneskt orð og merkir erfiðleikar með orð. Ýmis íslensk orð hafa verið og eru notuð um örðugleika í lestri. Lesblinda var lengi notað en þar sem lestrarörðugleikar tengjast sjaldan sjón þykir það ekki heppilegt orð. Hugtakið lesröskun er mikið notað meðal kennara.

Rannsóknir staðfesta að  um 12-15% nemenda séu með dyslexíu og einhverjir nemenda hafa ekki verið greindir en um 3-4% nemenda eru með alvarlega örðugleika í lestri og ritun.

Lesröskun kemur fram í ýmsum myndum s.s. litlum leshraða, einbeitingarörðugleikum, litlu úthaldi og takmörkuðum áhuga fyrir lestri. Hluti dyslexískra nemenda getur náð ásættanlegum leshraða en á erfitt með að vinna úr lesefninu. Vandi nemenda sem eiga bæði í örðugleikum með að umskrá ritmálið og vinna með lesefnið er oftast mikill og þurfa þeir góðan og markvissan stuðning.

Sjálfsmynd dyslexískra nemenda er oft brotin og telja þeir mikilvægt að kennarar sýni þeim  skilning og tillitsemi. Klapp á öxlina og hughreystandi orð eins og: ,,þetta kemur" finnst þessum nemendum til lítils gagns. Undanfarin ár hafa einhverjir nemendur verið greindir með lesröskun þó svo að örðugleikarnir stafi fyrst og fremst af lítilli lestrarþjálfun sem aftur á móti leiðir til slakrar einbeitingar og úthaldsleysis við lestur. Þessir nemendur hafa betri möguleika á að auka færni í lestri en þeir sem hafa dyslexíusögu sem hófst í fyrstu bekkjum grunnskóla eða kannski fyrr.

Í Borgarholtsskóla er ýmislegt gert til stuðnings dyslexískum nemendum t.d. áfanginn Nám102,  ráðgjöf og síðast en ekki síst stuðningur kennara skólans.  Í Borgarholtsskóla starfar dyselxíuráðgjafi en hann veitir nemendum  með lestrarörðugleika persónulegan og faglegan stuðning. Dyslexíuráðgjafi, náms- og starfsráðgjafar og kennarar vinna saman að úrbótum fyrir nemendur með lesröskun.

Viðtalstímar dyslexíuráðgjafa vorönn 2012:
Mánudagar:  8:30 - 9:30 og 11:30 - 16:00    
Þriðjudagar:  8:30 –16:00            
Miðvikudagar:  11:30 - 16:00                
Fimmtudagar:  8:30 – 9:30 og 11:30 – 16:00        
Föstudagur:  8:30 –   9:30
                            
Einnig geta námsmenn  óskað eftir viðtali í netpósti.
Vinsamlegast sendu netpóst (eirikur@bhs.is) ef ég er ekki á skrifstofunni og ég mun fljótlega hafa samband.

Eríkur dyslexíuráðgjafi er í stofu 318.