Í upphafi annar fá nemendur afhenta stundaskrá og bókalista. Einnig aðgangsorð að tölvukerfi skólans, tölvupósti og upplýsingakerfinu Innu sem geymir meðal annars stundaskrá, mætingu og námsferil nemenda.

Skrifstofa

Á skrifstofu eru veittar allar almennar upplýsingar um starfsemi skólans. Skólavottorð, staðfesting um skólavist og staðfesting á námslokum eru gefin út af skrifstofu. Einnig er þar tekið við tilkynningum um veikindi og leyfisbeiðnum. Upplýsingar um viðtalstíma kennara og kennslustjóra fást á starfsmannalista.

Stundaskrá og skólavottorð

Skrifstofa gefur út ýmis skjöl og vottorð gegn gjaldi. Ef nemandi týnir stundaskrá eða aðgangsorðum er hægt að fá nýtt blað sem kostar 200 kr. Afrit af prófskírteini með stimpli kostar 500 kr. Hægt er að útbúa námsferilsskrá (einkunnablað) á ensku fyrir nemendur sem þess óska gegn 2000 króna gjaldi. Aukagjald fyrir að senda vottorð með faxi eða pósti er 100 kr.

Stuðningur

Við skólann er boðið upp á fjölbreyttan stuðning við nemendur. Hér starfa tveir náms- og starfsráðgjafar, dyslexíuráðgjafi (sem er jafnframt sérkennari) og þrír kennarar sem sinna forvörnum við skólann (félags- og forvarnafulltrúar).

Nemendur eru hvattir til að nýta sér þá þjónustu sem er í boði.

Bæklingur um stuðningsþjónustu (pdf-skjal).

Tölvuaðgangur

Þegar nemendur hefja nám í Borgarholtsskóla fá þeir aðgang að tölvukerfi skólans.

Aðgangsorð eru afhent með stundatöflum í upphafi annar. Annars sækja nemendur þau á skrifstofuna á 2. hæð eða hjá netstjóra í stofu 315 á 3. hæð í bóknámshúsi.

Einnig fá nemendur notandanafn og lykilorð að Innu ásamt upplýsingum um tölvupóst BHS. Í upphafi haustannar eru lykilorð þau sömu hvort sem er aðgangur að tölvum skólans, Innu, tölvupósti eða námsþingi Moodle.

Í Innu, upplýsingakerfi framhaldsskóla, geta nemendur fylgst með viðveru sinni, séð stundatöfluna og hvar þeir eru staddir í námi.

Farið er í Innu af slóðinni https://www.inna.is/Nemendur/ eða frá heimasíðu skólans. Þar er valið Inna nemendur. Síðan eru slegin inn aðgangsorð og lykilorð. Gæta þarf þess að gera greinarmun á litlum og stórum stöfum.

Nemendur fá úthlutað netfangi hjá skólanum. Á þetta netfang berst ýmis póstur frá skrifstofu og stjórnendum skólans. Vefpóstur er á slóðinni https://mail.bhs.is/owa og tengill er einnig aðgengilegur af heimasíðu skólans.

Verði aðgangsorð óvirk af einhverjum ástæðum þurfa nemendur að tala við netstjóra í stofu 315 og fá nýtt lykilorð.

Ef nemendur týna aðgangsorðum sínum geta þeir komið á skrifstofuna og fengið þau uppgefin aftur gegn 200 króna gjaldi.

Viðbót við prentkvóta

Í upphafi annar fá nemendur úthlutað 50 blöðum í prentkvóta. Hægt er að kaupa viðbótarkvóta á skrifstofu og kostar hvert blað 20 krónur.

Leiga á skápum

Nemendur geta fengið leigða skápa í skólanum í upphafi annar. Umsjónarmenn hússins, sem eru með skrifstofu í stofu 109, sjá um skápaleiguna. Leiga á skáp kostar 500 krónur sem fást endurgreiddar þegar nemandi skilar lyklinum í lok annar.

Ekki er tekin ábyrgð á skófatnaði nemenda eða öðrum eigum sem nemendur skilja eftir á göngum skólans.

Óskilamunir

Smærri hlutir t.d. símar, reiknivélar, gleraugu og lyklar eru á skrifstofu skólans á 2. hæð. Fatnaður, bækur, pennaveski, töskur og stærri hlutir eru hjá ræstingafólki hússins.

Óskilamunir eru ekki geymdir lengur en í 1 mánuð.