Fréttir
Viðurkenning frá Goethe-Institut
Í sumar fóru þrír nemendur skólans á sumarnámskeið í Þýskalandi. Þetta eru þau Alexandra K. Ægisdóttir, Vignir Smári Vignisson og Örn Þórisson Kjærnested. Þau stóðu sig öll með prýði og voru verðugir fulltrúar skólans. Síðastliðinn föstudag afhenti Ursula Kreher frá Goethe-Institut í Kaupmannahöfn nemendum prófskírteinin við hátíðlega athöfn að viðstöddum skólameistara, aðstoðarskólameistara, þýskukennurum og nokkrum öðrum. Þar sem Alexandra er au-pair í Berlín í vetur, mættu foreldrar hennar í staðinn.
Þátttaka nemenda í sumarnámskeiðunum eru hluti af samstarfi skólans við Goethe-Institut og mun einnig standa nokkrum nemendum skólans til boða næsta sumar.
