Fréttir
Kynning fyrir foreldra nýnema
Borgarholtsskóli bauð foreldrum eða forráðamönnum nýnema upp á kynningarkvöld fimmtudaginn 17. september. Dagskráin hófst í sal skólans kl. 18:00 með kynningu á starfsemi skólans. Þessu næst flutti Jón Sigfússon hjá Rannsóknum og greiningu erindi sem hann byggði á rannsókn sem hann gerði m.a. hér í skólanum um forvarnir og foreldraáhrif. Eftir að dagskrá í sal lauk fóru foreldrar í kennslustofur til að hitta umsjónarkennara. Það var vel mætt á þetta kynningarkvöld, um 100, umræður voru góðar og það var mál manna að þetta hefði verið gagnlegur fundur.
