Fréttir
Glæsiballið
Glæsiballið var haldið í sal skólans fimmtudagskvöldið 11. febrúar. Ballið er algerlega vímulaust. Nemendur mættu í sínu fínasta pússi og snæddu þrírétta máltíð sem Gulla kokkur og félagar í eldhúsinu matreiddu og starfsmenn og kennarar skólans báru á borð fyrir nemendur. Gói var veislustjóri og í boði voru bæði heimatilbúin og aðkeypt skemmtiatriði. Til dæmis glæsiballsmynd, dans- og söngatriði frá kennurum, Dóri DNA var með uppistand og Raggi Bjarna ásamt Þorgeiri Ástvaldssyni tók lagið. Í lokin hélt Danni Deluxx uppi fjörinu á dansgólfinu.
