Einelti er ekki undir neinum kringumstæðum liðið í Borgarholtsskóla

1. Vitneskja berst um einelti til starfsfólks skólans frá nemendum, foreldrum eða öðru starfsfólki.
2. Náms- og starfsráðgjafa er gerð grein fyrir málinu.
3. Náms- og starfsráðgjafi skoðar málið í samræmi við skilgreiningu skólans á einelti. Hann leitar eftir upplýsingum frá nemendum, starfsfólki skólans og foreldrum. Einnig getur hann lagt fyrir eineltiskönnun/tengslakönnun. Náms- og starfsráðgjafi ákveður næstu skref í málinu.
4. Ef náms- og starfsráðgjafi metur að um einelti sé að ræða gerir hann foreldrum viðeigandi nemenda grein fyrir stöðunni. Farið er yfir:
5. • hvert tilboð skólans er til að aðstoða þolanda og geranda/gerendur
   • hvað foreldrar geta gert til aðstoðar barni sínu og skólanum og hver ábyrgð foreldra er í meðferð eineltismála
   • að foreldrar geta sjálfir haft samband við náms- og starfsráðgjafa og/eða sálfræðing
   • samstarf foreldra og náms- og starfsráðgjafa um eftirfylgd málsins
   • allt ferlið er skráð af náms- og starfsráðgjafa og foreldrar einnig hvattir til að skrá hjá sér málsatvik

5. Náms- og starfsráðgjafi gerir viðkomandi kennurum, skólastjórnendum og öðru starfsfólki grein fyrir stöðu mála.
6. Ef ofangreindar aðgerðir bera ekki árangur að mati náms- og starfsráðgjafa og skólastjórnenda verður gripið til eftirfarandi aðgerða:
7. • viðurlögum beitt
   • talað við foreldra
   • gerandinn látinn breyta um umhverfi
   • tilkynnt um eineltið til lögreglu

Sé nemandi yfir 18 ára aldri er ekki haft samband við foreldra nema með gefnu leyfi nemandans.

- Ef nemandi er beittur einelti er það siðferðisleg skylda samnemenda, starfsfólks, kennara og skólastjórnenda að skerast í leikinn.