Viðmót nemenda, kennara og annars starfsfólks skólans skal einkennast af gagnkvæmri virðingu og prúðmannlegri framkomu. Nemendur skulu virða eigur skólans og koma þannig fram innan skóla og utan að skólinn geti verið stoltur af.

Í kennslustofunni er kennarinn verkstjóri og setur þar nánari reglur sem nemendum ber að hlýða. Brjóti nemandi reglur skólans er hann boðaður til viðtals við stjórnendur þar sem brotið er metið og viðurlög ákveðin í samræmi við gildandi reglur um meðferð mála í almennum hluta námskrár fyrir framhaldsskóla.