Markmið grunndeildarinnar er að nemandinn hljóti nauðsynlega, almenna og faglega undirstöðumenntun til að takast á við nám í sérgreinum í seinnihluta námsins. Að loknu fyrrihlutanámi skal nemandi hafa innsýn í helstu málmiðnastörf og hlotið grunnþjálfun í almennum verkþáttum og tileinkað sér meðferð efna og beitingu áhalda og tækja sem notuð eru í málmiðngreinum, auk þess að hafa þjálfast í sjálfstæðum vinnubrögðum og samstarfi við aðra. Æskilegt er að nemendur hefji starfsþjálfun eftir aðra önn grunndeildar.