Nemendur sem ekki hafa gert upp hug sinn varðandi áframhaldandi nám í framhaldsskóla og nemendur sem lokið hafa grunnskólaprófi en uppfylla ekki almenn skilyrði til inngöngu á lengri námbrautir framhaldsskólans, geta innritast á almenna námsbraut. Almenna brautin skiptist í tvo hluta, AN-I og AN-II. Á brautinni eru strangar reglur um mætingu og námsástundun.

Almenn námsbraut I (AN-I)

Fyrir nemendur sem voru undir 5 í tveimur eða fleiri greinum á samræmdum prófum.

Almenn námsbraut II (AN-II)

Fyrir nemendur sem uppfylla ekki skilyrði til að komast inn á aðrar námsbrautir skólans en voru ekki undir 5 nema í einni grein á samræmdum prófum. Brautin hentar sérstaklega vel þeim sem stefna á bóknám til stúdentsprófs og þá sem eru óákveðnir í námsvali.

BVAL (bundið val) eru valgreinar sem eru bundnar við almenna námsbraut. Með því að blanda saman nemendum af AN I og AN II er hægt að bjóða upp á fleiri greinar.