MYL103

Áfangalýsing

Almennt

Áfangaheiti

Myndlist: Lögmál, aðferðir og rýni

Undanfari

SJL 103

Nánara áfangaheiti

Módelteikning

Kennsla

• Markmið

  Nemandi

• hafi með sýnilegum hætti þroskað sjónskynjun sína

• hafi þjálfað alhliða færni sína í teikningu

• kunni skil á hlutfallaskiptingu mannslíkamans

• geti teiknað mismunandi líkamsstöðu í réttum hlutföllum

• hafi tileinkað sér aðferðir til að bera saman, í þessu tilfelli, afstöðu mismunandi líkamshluta og raða saman í heildarmynd

• geti notað mælingaaðferðir og hjálparlínur til að leggja mat á stærðarhlutföll

• geti unnið breytingar á teikningum í tölvu

• geti greint aðalatriði viðfangsefnisins frá aukaatriðum

• kunni að forgangsraða rétt í vinnu sinni

• geti fjallað opinskátt og á faglegan hátt um eigin verk og annarra

Teiknað eftir lifandi fyrirmynd. Teikningar unnar með viðarkolum og blýanti. Áhersla lögð á að nemendur tileinki sér þekkingu á hlutfallaskiptingu mannslíkamans. Læri að skoða, greina og meta fyrirmyndir sínar á kerfisbundinn og rökrænan hátt. Læri að nota hjálpargögn, svo sem lóðlínu og hjálparlínur, til að bera saman stærðarhlutföll og meta hreyfingu. Alhliða þjálfun í teikningu og

rannsókn á gildi og tjáningarmöguleikum línuteikningar. Áhersla lögð á að nemendur ræði um og þjálfist í að leggja mat á vinnu sína og annarra, út frá mismunandi gildismati og geti nýtt sér upplýsingatækni við þá vinnu.

Námsáætlun

Senda grein