FJL233

Áfangalýsing

Almennt

• Áfangaheiti
  Fjölmiðlatækni: Lögmál, aðferðir og rýni

• Nánara áfangaheiti
  Kvikmyndagerð, framhald

• Undanfari
  MHL 313

Kennsla

• Markmið
  Stefnt skal að því að nemandi
  • geti búið til stuttar kvikmyndir
  • þekki forsendur handritagerðar
  • geti nýtt sér nokkuð fjölbreytt stílbrögð við kvikmyndun
  • kunni að klippa saman kvikmynd af öryggi
  • geri sér grein fyrir áhrifum stílbrigða á merkingu kvikmyndar
  • skilji hvernig ólík sjónarhorn hafa áhrif á merkingu kvikmyndar
  • skilji hvernig mismunandi klippistíll breytir merkingu kvikmyndar
  • skilji hvernig hljóðmynd mótar merkingu kvikmyndar
  • taki þátt í hóp sem deilir með sér verkum við gerð kvikmyndar
  • sé fær um að fjalla um og meta eigin verk og annarra á upplýstan og greinargóðan hátt og gera grein fyrir forsendum
  • sé fær um að ræða opinskátt um þær hugmyndir sem hann er að túlka í verkum sínum
  • sé fær um að ræða opinskátt hugmyndir og kvikmyndir samnemenda sinna á uppbyggilegan hátt
  • sé fær um að taka gagnrýna afstöðu til kvikmyndaefnis og túlka í ræðu og riti
  • geti sýnt fram á að hann sé fær um að þróa hugmyndir sínar í kvikmynd á meðvitaðan og gagnrýninn hátt
  • geti sýnt fram á að hann geti nýtt sér kvikmyndun sem miðil til að tjá skoðanir sínar og hugmyndir um umhverfi sitt.

• Námslýsing, efnisatriði og kennsluhættir
  Í áfanganum læra nemendur að beita aðferðum kvikmyndunar til að tjá hugmyndir sínar og tilfinningu fyrir umheiminum. Þeir þjálfast í framleiðslu kvikmynda, í hugmyndavinnu og handritagerð allt til klippingar og lokafrágangs. Rík áhersla er lögð á greiningu nemenda á áhrifum þess myndstíls sem þeir beita í verkum sínum. Einnig rannsaka nemendur myndefni úr samtíma sínum og greina merkingu þess og möguleg áhrif. Tveir þættir vega þyngst í vinnunni. Annars vegar sköpun, túlkun og tjáning þar sem nemendur vinna að eigin verkefnum innan ákveðins ramma sem kennari ákveður; og hins vegar skynjun, greining og mat þar sem nemendur greina eigin verk, verk samnemenda og valin verk samtímakvikmyndagerðarmanna og annarra samtímalistamanna með tilliti til inntaks, stílbrigða og tækni.

Námsáætlun

FJL233 vor 2012

Senda grein